找晦氣唔係一個問題，但係陰陰濕濕笑裏藏刀扮斯文扮有禮貌咁找晦氣嘅我覺得好L乞人憎！
話說11月尾拎住醫療咭嘅60歲阿叔黎睇傷風咳。佢三個禮拜之後先再返黎，未好返，食晒D藥又唔複診。跟住我已經開咗全診所最貴果幾隻靚藥俾佢，幫佢照埋肺片。
有報告後叫佢返嚟睇。一坐低就話上次啲藥唔得，夜晚仲係好咳，搞到佢想死。捱到第二日去睇唔收醫療咭 好好好～～～～貴嘅家庭醫生。家庭醫生開左抗生素，食左就差唔多好返晒。佢問係唔係醫療咭啲藥差啲架?
佢又解釋話唔返嚟複診係因為有啲醫生崇尚「自然療法」。以為我都係咁樣，特登唔開好多藥俾佢自己好返。我前後2次開咗10隻藥俾佢，咁樣叫自然療法咩？我夠膽講一定靚過Q仔啲藥！我係西醫，唔係巫師。係自然療法嘅，我就燒度符水叫你飲，叫埋你攞幾廿萬出嚟祈福！
阿叔，你唔返嚟複診就當你好返，或者去咗第二度睇。同埋啲藥食咗唔舒服，你可以第二日即刻返嚟再睇。我總共睇過你2次，唔清楚你邊啲藥Work邊啲藥唔會Work。傷風感冒藥來來去去都係嗰幾款。好彩我幫佢照左肺片，肺部冇感染其實唔使食抗生素。兩次你睇我都冇發燒，抗生素唔可以貿貿然開架～ 姑娘聽到佢其實仲係好咳，咁你啲抗生素有冇用呢？
佢走之前想攞返個尾彩。肺片係照前面同側面，2個View有2張片。佢問姑娘點解有兩張片唔係應該有兩份報告？姑娘都冇咁好氣。
同埋我好重視你嘅精神健康！夜晚仲咳就話想死，唔係話你唔辛苦，但係你咁身心靈脆弱，一定有好多煩惱，係咪應該搵精神科睇睇？其實你發我爛渣係咪求救嘅一種？
#但係我睇你會好影響我嘅精神健康
#收醫療咭嘅普通科醫生好多唔使返黎我度
#自己要俾錢嘅藥先至最好係唔係
#平安日大家平平安安好嗎
###
1.互相廝殺嘅罪證，下1秒家姐還拖
2. 診所聖誕大餐，我唔肚屙啊！呢間可以再訂！上次大肚冇得食，竟然我過咗咁多個月先至再記得你呀！以後個個月都要食😤😤😤😤😤
Search